Følgepersonbevis (ledsagerbevis)
Alle som har følgepersonbevis, kan få med seg eit følge på festivalen. Følgepersonen må akkrediterast på førehand, og hentar armbandet til festivalen i infoteltet ved inngangen til festivalområdet. Personen med følgepersonbevis må vera med når ledsageren hentar armbandet sitt. Link til akkrediteringsskjema ligg under.
Transport og parkering
Me oppmodar alle som kan om å parkere på festivalparkeringa ved Tyin og ta skyttelbuss inn til festivalområdet på Eidsbugarden. Frå der bussen stoppar er det rundt 100 meter til HC-campen, på grusveg. Frå HC-camp til inngangen til festivalområdet er det rundt 150 meter på grusveg.
Det finst HC-parkering på Eidsbugarden, og om du ynskjer plass her kan du ta kontakt med vår transportsjef Håkon på epost: hakon@vinjerock.no
HC-camp
Festivalcampen er stort sett i ulendt terreng med stein, stigar og briskekratt. Difor har Vinjerock reservert eit eige område til HC-camp, den einaste flate gressplena på Eidsbugarden som har enkel tilkomst frå vegen. Området ligg mellom Fondsbu og Eidsbugarden Hotell, og er merka med skilt.
HC-toalett
Vinjerock nyttar portable festivaltoalett frå Hibas, og syt for at HC-toaletter finnes både inne på festivalområdet og på HC-campen.
HC-rampe
På festivalområdet finn du HC-rampe med trinnfri adgang og utsikt til begge hovudscenene. På rampa er det sittebenk for ledsager og moglegheit for å ta med ein ven eller to.
Trinnfri tilkomst
Alle servicepunkt på festivalområdet har trinnfri tilkomst.
Førerhund
Hjå Vinjerock som alle andre stader kan du ha med deg førerhund inn på sjølve festivalområdet. Ha med legitimasjon for førarhundbrukarar som du kan syne fram i inngongen ved behov.
Teleslynge og tolketeneste
Me har diverre ikkje teleslynge og tolketeneste tilgjengeleg på Vinjerock.
Allergiar og matmerking
Vinjerock har eit rikt mattilbod, og menyen vert kvart år lagt ut på heimesida vår. Menyen vert allergimerka både på nett og oppe på festivalen. Sjå mattilbodet her.
Vere frivillig?
Du er sjølvsagt velkomen som frivillig på Vinjerock, og kan nytte søknadsskjema som alle andre. Ta gjerne kontakt med frivillisjef Ane Skaare Tveiten på e-post: frivillig@vinjerock.no om du har spørsmål kring det å vera frivillig.
Delta på aktivitetar?
Me ønskjer at flest mogeleg kan delta på dei ulike aktivitetene me har til fjells. Er det noko du ønskjer å delta på men treng litt tilrettelegging? Ta kontakt med aktivitetssjef Jenny på e-post: jenny.daling@vinjerock.no.
