Kortreist, rimeleg og velsmakande.
For oss i Vinjerock er det viktig at det blir kasta minst mogleg mat. Det er derfor ikkje sikkert at du vil finne alle rettane i grillen og Aasmunds spiskammer til ein kvar tid. Er du usikker, vil tavlene som heng oppe over disken fortelje deg kva me sel akkurat når du er på besøk. Spør oss elles om alt du måtte lure på!
Vinjerockblandings til fire porsjonar:
2 dl rømme
1,5 dl tyttebærsyltetøy
Framgangsmåte:
1. Bland saman rømme og tyttebærsyltetøy
2. Om ynskjeleg, smak til med litt salt og pepar
Ølsylta raudlauk til fire porsjonar:
2 stk raudlauk
0,5 dl solbærsaft (konsentrat)
0,5 dl vatn
1 dl øl (gjerne lager eller noko med litt trøkk)
2 ss sirup
2 ss balsamicoeddik
ei klype salt og pepper etter smak
Framgangsmåte:
1. Kutt raudlauken i «halvmåneskiver»
2. Kok opp solbærsaft, vatn, øl, sirup og balsamico
3. Legg i laukskivene, smak til med salt og pepper, trekk kasserolla av plata og lat lauken stå og trekke til den er avkjølt.
Burgarane blir best med kjøttdeig frå ein lokal leverandør. Sjekk REKO-ringen på din heimstad for å sjå kva du kan få tak i. Vinjerock brukar Smådalskjøt frå Vang og Vestlandsk Storfe frå Vang.
Legg til det du ynskjer av salat og grønnsaker, kjøp eller bak brød (me anbefalar Valdres bakeriet). Nyt!