Kjartan Lauritzen inntek Eidsbugarden neste sumar! I 2025 har Kjartan mykje å feire. Han blir 30 år gamal, har vore Kjartan Lauritzen i 10 år og skal bli far! Heilt utan noko majorlabel i ryggen bygde han seg heile vegen frå Balestrand og opp til å bli Noregs nye rap-superhelt med tidlause låtar som Havanna, Fredag og Nyte D. På vegen har han vore profet for Kjartanismen til kritikarane og fansen si store begeistring før han abdiserte og gjekk vidare med singlar som Gira, Shakira, Skaol Skadle og sommarhiten Badebussen.
Kjartan er kjend for å by på seg sjølv, og skapar ein unik kontakt med publikum. For dette har P3 Gull nominert han to gonger til "Årets Live-artist". Kom til Vinjerock, og du vil føle ei varm kjensle stryke deg forsiktig på sjela, og ei stemme vil kviskre deg ømt i øyret; “dette var ikkje eit dumt val, min gode ven”. Som me brukar seie, kom her up og kjenn eit annat liv, denne gongen med Kjartan Lauritzen i spissen.