I 2013 vart me fyrst kjend med artisten Arif då han vann NRK sin nykommarpris P3Urørt. Sidan den gong har han befesta seg som ein av Noregs desidert største rapartistar, og endeleg tek han turen til Vinjerock for aller fyrste gong. Han kan skilte både med Spellemann, fleire prisnominasjonar, P3-prisen (heidersprisen) i 2023, utselde turnear, eit utseld Spektrum og ikkje minst tekstar som har vorte ein del av norsk historie. Med ei karriere som spenner seg over meir enn ti år gler me oss til å ta steget inn i hans univers på årets festival.